潮人飯堂 (已結業)

將軍澳咁多間酒樓  我淨係黎呢間飲茶  因為地方舒服 而且同一段酒樓唔同  佢呢度啲茶具好靚  每人一杯仔唔怕啲茶放太耐凍曬  啱啱好一啖飲曬  佢有個熱壺有蠟燭仔煲住  唔怕啲水凍曬   呢度點心比較好選擇  又唔會淨係得傳統果啲  我最鐘意呢度既流沙奶皇包  即叫即蒸  啲奶皇好香流出黎  包同奶皇比例啱啱好  另外我鐘意食呢到既蝦餃  大大粒蝦  皮又唔太厚  又唔易散開  其餘啲點心都唔錯架另外下午茶時段  有孖寶優惠  一碟粉麵加一竉點心  40幾至50幾  價錢絕對合理   而且粉麵份量唔少足料的  下面就係我食既孖寶!!  乾炒牛河油唔多  乾身又夠鑊氣~~~  食得過!  好味過好多茶餐廳添😋