潮濠城酒樓

男朋友成日話呢間酒樓好正宗
食潮洲菜好正
咁岩今日有時間就過來會一會佢

撞正下午茶
不太平又不算貴

沙嗲牛肉炒河
必食之選，記得要講明兜亂炒，多汁
沙嗲味濃郁，牛肉份量算多

燒賣
普普通通，冇特別

韭菜粿
韭菜味不出，略為遜色，有少許失望

懷舊馬拉糕
鬆鬆軟軟，甜度適中

蜆芥鯪魚球
值得推介，炸得不錯，用米通包普鯪魚球去炸，幾特別但又不會太油膩，可惜蜆介份量少

雞球大包
不是到到都有，用料充足，可惜份量好像比兒時所食為細

埋單後會奉上功夫茶作為總結
茶味濃郁，苦甘苦甘
幫助消化和去油膩