我地兩個點左招牌牛丸王同自家牛三鮮兩碗粉。牛丸聽老闆講係由潮汕個邊運落黎香港，所以味道同我以前去潮汕旅遊時，食到嘅味道，一模一樣！絕對係真材實料！牛腩，牛肚，牛筋，入口即化，口感非常好！
我地仲點左鹵水豆腐，配搭辣醬以及蒜蓉醬，十分美味！
又點少得叫嘢飲呢，我地點左熱嘅香橙熱情果蜂蜜紅茶同埋凍嘅黃檸檬乳酸雪碧特飲。熱情果個杯，未飲，已經聞到好香嘅熱情果味，加埋橙味，味道配搭融合。雪碧特飲呢，檸檬、乳酸、雪碧味，互相配搭之餘，亦能細細分別出個別的味道，清新爽口，層次豐富！
總之一句話講到尾，實會做回頭客。
