影片
更多
2015-05-12
842 浏览
羊鞍前言: 年半前未搬大鋪, 舊址在侯王道, 現為"聯發"個位, 無做早市, 午餐: 四十元起有交易, 熱門推介有焗豬排飯, 紅酒牛尾意粉, 加十元有什果薯仔沙律, 份量少少但幾好味; 下午茶: 三十幾元起, 心水之選為燒雞脾沙律, 亦有迷你版的午餐以減十元八塊再賣, 都好受歡迎好多客人叫的; 晚餐: 六七十元起, 可以叫什扒! 店小招呼親切, 越做越旺, 終於旺到搬大鋪...去了更旺食肆的褔佬村道, 問題開始出現...舊鋪: 總括而言: 價廉物美, 必俾:笑面!! 我經常幫趁, 為此區我最喜歡來的餐店之一.今日: 鋪面大了靚了, 日日旺場要等位, 這個情勢, 我唯有少啲光顧因為我是心急之人...但如果好味抵食, 等吓又何妨? 可惜通常細搬大會發生的事在這裡也不例外...早/午/下午茶餐: 價錢OK, 都叫做幾十元有交易, 但人流暢旺經常爆場預了要等位. 上次來是閒日碰著我休息一家幾口, 以為可和他們吃個悠閒午餐但嘈到拆天而且預了要同上班一族及學生仔迫下, 都好匆匆忙忙其實倒入個肚咁食得唔太自在, 食完快啲走; 晚餐唔OK, 價錢方面, 一搬鋪, 所有餐加了價, 本來都預咗一定
前言: 年半前未搬大鋪, 舊址在侯王道, 現為"聯發"個位, 無做早市, 午餐: 四十元起有交易, 熱門推介有焗豬排飯, 紅酒牛尾意粉, 加十元有什果薯仔沙律, 份量少少但幾好味; 下午茶: 三十幾元起, 心水之選為燒雞脾沙律, 亦有迷你版的午餐以減十元八塊再賣, 都好受歡迎好多客人叫的; 晚餐: 六七十元起, 可以叫什扒! 店小招呼親切, 越做越旺, 終於旺到搬大鋪...去了更旺食肆的褔佬村道, 問題開始出現...
舊鋪: 總括而言: 價廉物美, 必俾:笑面!! 我經常幫趁, 為此區我最喜歡來的餐店之一.
今日: 鋪面大了靚了, 日日旺場要等位, 這個情勢, 我唯有少啲光顧因為我是心急之人...但如果好味抵食, 等吓又何妨? 可惜通常細搬大會發生的事在這裡也不例外...
早/午/下午茶餐: 價錢OK, 都叫做幾十元有交易, 但人流暢旺經常爆場預了要等位. 上次來是閒日碰著我休息一家幾口, 以為可和他們吃個悠閒午餐但嘈到拆天而且預了要同上班一族及學生仔迫下, 都好匆匆忙忙其實倒入個肚咁食得唔太自在, 食完快啲走; 晚餐唔OK, 價錢方面, 一搬鋪, 所有餐加了價, 本來都預咗一定係轉移到顧客身上, 無所謂, 但食物味道比以前差了很多...那就有問題了
羊架$102/三支骨: 母親大人說很羶, 而且菜及意粉都頗油, 整體評為不好吃, 不想吃;
西冷$148: 父親大人說普普通通, 他後來又另叫了一客乳酪磨菇咖哩龍脷柳, 一個人叫兩個餐...使唔使呀?!
(因母親大人不喜相機食先, 我影的相很求其偷偷影, 之後preview才發覺拍朦鬆了), 如圖見, 所謂薯條, 份量少都不成問題, 最大件事係碎濕濕短短的, 你見到的就是原庄份量, 好似被人吃剩那般...而龍脷柳只得五小件比手指頭大小小, 沐浴在咖哩汁之中跟本看不出來, 搞咩呢?! $68元? 好似買咗個汁咁...但薯條又少, 唔夠點汁, 最終父親大人決定要了個外賣盒全個汁打包, 翌晚將之"發揚光大"加帶子及其他配料煮作為一味餸, 咁都得?!
晚餐B, $88元雞排拼焗蠔, 加了$15元要什果沙律, 連加一實為: $113......質素似$48元一份的雞排午餐, 焗蠔亦沒有特別, 可吃可不吃...昔日的羊鞍那份價錢公道味道好的靈魂去了那裡??? 怪不得住同區的朋友C都說店搬了來過幾次後已不來了, 一來要等位, 二來他不喜歡的是什扒餐再不放在晚餐一欄, 要吃的話無端端俾貴幾十元, 舊客如我們會覺得不單貴了又要等位, 亦保持不到以往質素腳步自然漸疏...
當然, 它現在因地點不同了, 人客網絡大了, 經常客滿, 以上種種又有咩所謂...今餐徘徊在"OK"與"喊面"之間, 但因為我以往算是個熟客, 招呼一貫的好, 確仍然是快/靚/正的, 所以最後決定俾"OK". 羊鞍你想upgrade個價, 請保持好食物質素, 簡單如炸薯條就可以分得出妳究竟行緊咩路...
张贴
