添好運點心專門店 (已搬遷) 新店位置

每次諗唔到食咩個陣時，就會去添好運碰下運氣，但係每一次等既過程都漫長到由唔肚餓都等到肚餓...有一次直情「無籌派」，有兩次就「要等勁多個號碼」!今日終於有個機會去試下佢既「人氣點心」，門口個度真係「人山人海」，我諗附近既鋪頭覺得呢個情況都令佢地幾「煩惱」差唔多六點拎到籌，相差12個號碼...就去附近行下街...望錶以為差唔多啦...點知返到去都唔係「郁」左好多張枱...前前後後夾埋等左一個半鐘頭一坐低已經即刻落單，但係都要成10分鐘先有野食，應該係太多客人既關係吧.... 金銀滿屋 豆沙芝麻球﹕皮厚多d，同茶樓無咩大分別，勝在係新鮮炸出黎! 菲黃鮮蝦腸﹕勁推介...因為腸粉皮真係好滑，薄到「晶瑩剔透」!! 陳皮牛肉球﹕牛肉球好大粒，味道幾好... 鳳爪排骨飯﹕排骨入口幾滑，但係d飯嫌「淋」左d... 酥皮焗叉燒包﹕呢個「皇牌」等左好耐，終於等到... 好香、皮好鬆脆、叉燒餡料甜左d...環境、服務服務算ok......但係礙於張枱既面積實在太細啦，所以...茶飲完就要自己要求店員加茶...呢