漫花燈火OMG (已結業)

💚羽衣甘藍金奇異果藍莓橙百香果啫喱沙律配蜜糖柚子醋個沙律真係好得意，上台嗰陣一個碗入邊裝住左羽衣甘藍同埋其他沙律菜，而另外有唔同樽仔裝住其他配料，金奇異果真係好新鮮，好甜，百香果啫喱都好得意，係啫喱爆珠，口感好好，仲有一塊燒到焦香嘅菠蘿都係好好食，再配埋蜜糖柚子醋，酸酸甜甜，非常開胃！💛椰菜花西蘭花薯仔沙律配自家製咸蛋黃醬另一個沙律就比較飽肚，因為沙律底有塊多士，每一件都有混合左椰菜花西蘭花同埋薯仔，口感又脆又淋，好特別，再加埋佢哋自己整好香嘅蛋黃醬，超級好食！🧡脆脆牛肝菌野菌意大利飯一個又係整得好靚嘅意大利飯，第一次食炸佐嘅牛肝菌，口感同味道都好好，炸粉厚薄啱啱好，牛肝菌仲好腍好爽嫩，另外意大利飯都充滿野菌嘅香味，又唔會太硬，正正子！