Burgerman (欽州街) (已結業)

出深水埗睇完玩具、一支公又想食好嘢，我就推介位於欽州街嘅Burgerman。Burgerman嘅餐牌都有成10款漢堡包俾大家揀，再加埋廚司推介，有選擇困難症嘅朋友仔都幾頭痕嫁。雖然今日廚司推介係日式豚肉漢堡，但最後我都係揀咗和牛漢堡，再加薯格同罐裝忌廉。和牛漢堡再加上一大份香脆嘅薯格同罐裝忌廉，真係best match。和牛漢堡扒成吋厚，一咬落去，和牛肉汁唧哂出嚟，油香而不膩。和牛扒嘅調味適中，加上選用嘅醬汁唔係濃味嘅醬，再配搭豆苗同比較輕味嘅芝士，配菜同醬汁味道唔會蓋過和牛漢堡扒，整個漢堡亦唔會俾人一種飽濟嘅感覺。超正！