影片
更多
2013-04-22
11 浏览
早三星期係FACEBOOK見到介紹兩款古怪漢堡, 一款係雪菜肉絲漢堡另一款係沙嗲牛肉漢堡。初初睇都覺得有D古怪, 但係後來見到有20個名額試食, 即管報名試一試, 又俾我幸運咁抽中左, 於是今日去試一試。鋪頭用左日式清酒盒放糖&牙籤, 簡單得尼都幾靚。鋪頭周圍環境非常乾淨, 而且唔會為左放多D台攪到好迫, 都坐得幾舒服。(唔記得左影環境相)因為我本身唔係太鐘意食雪菜所以我揀左沙嗲牛肉漢堡試食。等左5分鐘左右就有野食, 開餐! (當然相機要食先啦)個包SIZE都幾大餡料又多, 絕對足夠正常人飽, 不過OL/女士應該食唔晒。至於味道方面, 成個包都幾多汁唔會好乾, 煎蛋生熟岩岩好, 蛋黃汁非常好味!牛肉方面唔會食到"拿"過既味道, 亦唔會"痴"牙, 唔錯!公仔麵煮得岩岩好, 唔會過熟淋晒。不過可能因為餐廳以健康飲食為題所以沙嗲味唔係太出, 如果濃返少少就更加好!飲品我揀左熱咖啡, 不過不失, 但比其他西餐廳既一般咖啡好。總結: 雖然好多人覺得個漢堡外貌唔好睇, 不過未試過都值得試一下!
初初睇都覺得有D古怪, 但係後來見到有20個名額試食, 即管報名試一試, 又俾我幸運咁抽中左, 於是今日去試一試。
鋪頭用左日式清酒盒放糖&牙籤, 簡單得尼都幾靚。鋪頭周圍環境非常乾淨, 而且唔會為左放多D台攪到好迫, 都坐得幾舒服。(唔記得左影環境相)
因為我本身唔係太鐘意食雪菜所以我揀左沙嗲牛肉漢堡試食。
等左5分鐘左右就有野食, 開餐! (當然相機要食先啦)
個包SIZE都幾大餡料又多, 絕對足夠正常人飽, 不過OL/女士應該食唔晒。至於味道方面, 成個包都幾多汁唔會好乾, 煎蛋生熟岩岩好, 蛋黃汁非常好味!
牛肉方面唔會食到"拿"過既味道, 亦唔會"痴"牙, 唔錯!
公仔麵煮得岩岩好, 唔會過熟淋晒。
不過可能因為餐廳以健康飲食為題所以沙嗲味唔係太出, 如果濃返少少就更加好!
飲品我揀左熱咖啡, 不過不失, 但比其他西餐廳既一般咖啡好。
總結: 雖然好多人覺得個漢堡外貌唔好睇, 不過未試過都值得試一下!
张贴
