影片
更多
2019-01-12
50 浏览
幾年前漢堡包熱潮捲入香港，直至而家漢堡包專門店亦都冇減少，但係要搵到真係好食嘅漢堡包， 唔一定係貴，其實真係要睇佢嘅質素。好多人都話好食嘅漢堡包集中喺港島蘇豪區，因為嗰度外國人雲集，配合番佢哋嘅口味；但係今日唔覺意搵到呢一間喺旺角朗豪坊頂樓嘅漢堡包店，睇一睇招牌，見到咁熟口面，原來佢就係喺 天后都有另外一間分店。開放式嘅餐廳隔離係live stage，如果有活動絕對可以一路食一路聽音樂；不過餐廳有限時，而且設有最低消費每人80蚊。. 食物款式方面同天后嗰間有少少唔同,，呢度有多啲墨西哥色嘅菜式，至於天后就比較似漢堡包專門店。🥗墨西哥沙律配炸軟殼蟹 墨西哥沙律嘅定義其實係沙律菜加入黑橄欖，牛油果，粟米，蕃茄莎莎混合一齊，醬汁唔係好突出，但係整體嚟講係清新同健康嘅；加咗28蚊配軟殼蟹。軟殼蟹唔會炸到好乾，都唔會一咬落去一口都係油👍. 🍔Texas burger一睇個名就知係呢間舖頭嘅招牌漢堡，裏面除咗有牛、芝士，最特別嘅係加入咗洋蔥圈，漢堡包鬆軟得嚟有牛油香，仲有個烙印係包面；裏面塊牛肉唔會煎過頭，我諗大約有八成熟，牛肉多汁而且調味得宜；洋蔥圈炸得香脆，外脆內軟，裏面嘅洋蔥甜甜地，最鍾意呢
好多人都話好食嘅漢堡包集中喺港島蘇豪區，因為嗰度外國人雲集，配合番佢哋嘅口味；但係今日唔覺意搵到呢一間喺旺角朗豪坊頂樓嘅漢堡包店，睇一睇招牌，見到咁熟口面，原來佢就係喺 天后都有另外一間分店。開放式嘅餐廳隔離係live stage，如果有活動絕對可以一路食一路聽音樂；不過餐廳有限時，而且設有最低消費每人80蚊。
.
食物款式方面同天后嗰間有少少唔同,，呢度有多啲墨西哥色嘅菜式，至於天后就比較似漢堡包專門店。
🥗墨西哥沙律配炸軟殼蟹
墨西哥沙律嘅定義其實係沙律菜加入黑橄欖，牛油果，粟米，蕃茄莎莎混合一齊，醬汁唔係好突出，但係整體嚟講係清新同健康嘅；加咗28蚊配軟殼蟹。軟殼蟹唔會炸到好乾，都唔會一咬落去一口都係油👍.
🍔Texas burger
一睇個名就知係呢間舖頭嘅招牌漢堡，裏面除咗有牛、芝士，最特別嘅係加入咗洋蔥圈，漢堡包鬆軟得嚟有牛油香，仲有個烙印係包面；裏面塊牛肉唔會煎過頭，我諗大約有八成熟，牛肉多汁而且調味得宜；洋蔥圈炸得香脆，外脆內軟，裏面嘅洋蔥甜甜地，最鍾意呢一個配搭👍.
🌮Tasco(手撕豬肉/雜菌)
見到隔離食客叫咗呢一個好吸引，於是我哋都揀咗兩個。其中一個係手撕豬肉，另一個雜菌。餅皮可以揀炸過定係軟身，我哋揀咗軟身，都會烘一烘。 雜菌比手撕豬肉出色，可能因為雜菌嘅調味較多，當然手撕豬都係好腍同埋多汁。
.
當日星期六中午過嚟食，人流都好多，同夜晚嘅朗豪坊係兩個世界。一點左右門外都有幾位要等位嘅食客； 至於員工係咁忙碌嘅情況之下都能夠服務有善，呢間餐廳值得返桌。
张贴
