影片
更多
2018-12-02
111 浏览
今日同男友隨意在openrice搵咁呢間餐廳晚飯，兩個人叫1前菜2主菜2飲品1甜品。分享下比大家……輕煎北海道帶子甘藍沙律 - 兩粒大大粒嘅帶子，夠晒滑嫩，菜係用曲葉羽衣甘藍，配以士多啤梨、提子乾、蕃茄乾、碎合桃、新鮮小蕃茄，仲有少量沙律菜，都幾多料。沙律醬係另上嘅，可以自決落幾多，同而味道同食材都好夾。我最喜愛係加咗蕃茄乾，令好味指數提升。經典漢堡 - 好多人點，所以我地一定死跟冇蝕底。果然係唔錯。個主角漢堡扒整得剛好，保持到應有嘅肉汁，切開都見到有粉紅色嘅嫩肉。至於個配角…麵包，厚度、軟硬適中，都唔錯架。法國活藍青口香檳忌廉汁意粉 - 較精緻，青口圍住個意粉排好，意粉個汁都幾好味。泰式奶茶奶蓋 - 男友點嘅，我試似第一啖已經想同佢交換。茶香奶滑，勾出我泰國奶茶嘅思念。竹炭朱古力奶蓋 - 朱古力味重到係有少少飲dark chocolate嘅味道，咁即係話佢唔係靠甜❨糖❩去取悅你，所以愛dark chocolate嘅朋友留意，可能係你地杯『力』。Matches - 呢個係一款橙味嘅甜品，但以火柴盒嘅賣相呈現，淨係個賣相都呃都唔少like。解構之後…火柴盒係mousse蛋糕，火柴係曲奇餅
輕煎北海道帶子甘藍沙律 - 兩粒大大粒嘅帶子，夠晒滑嫩，菜係用曲葉羽衣甘藍，配以士多啤梨、提子乾、蕃茄乾、碎合桃、新鮮小蕃茄，仲有少量沙律菜，都幾多料。沙律醬係另上嘅，可以自決落幾多，同而味道同食材都好夾。我最喜愛係加咗蕃茄乾，令好味指數提升。
經典漢堡 - 好多人點，所以我地一定死跟冇蝕底。果然係唔錯。個主角漢堡扒整得剛好，保持到應有嘅肉汁，切開都見到有粉紅色嘅嫩肉。至於個配角…麵包，厚度、軟硬適中，都唔錯架。
法國活藍青口香檳忌廉汁意粉 - 較精緻，青口圍住個意粉排好，意粉個汁都幾好味。
泰式奶茶奶蓋 - 男友點嘅，我試似第一啖已經想同佢交換。茶香奶滑，勾出我泰國奶茶嘅思念。
竹炭朱古力奶蓋 - 朱古力味重到係有少少飲dark chocolate嘅味道，咁即係話佢唔係靠甜❨糖❩去取悅你，所以愛dark chocolate嘅朋友留意，可能係你地杯『力』。
Matches - 呢個係一款橙味嘅甜品，但以火柴盒嘅賣相呈現，淨係個賣相都呃都唔少like。解構之後…火柴盒係mousse蛋糕，火柴係曲奇餅。
餐廳位處高層，有落地玻璃，環境都唔錯。
张贴
