時新快餐店 (已結業)

琴日係假期嘅最後一日，梗係要盡情食埋呢一日啦！於是就拉埋阿媽去紅磡食想食咗好耐嘅時新漢堡包。要了兩個包一人一半試味。要了漢堡包同魚扒包配茄汁。去到時係十二點幾，都好多人，不過我地都揾到位。等咗十分鐘就有得食喇。兩個包都好夠熱。先試魚扒包。塊魚扒好薄，仲薄過m記。不過就炸得好香脆。魚肉質地嫩滑。個包係嘉頓貨，所以都唔會有咩要求。到漢堡包嘞。塊漢堡扒好薄，而且牛肉鬆散。不過味道都幾好，有洋蔥味，所以口感都好些。順路食番個醫肚都唔錯，不過就無需特登黎。