紅橋 (已結業)

黎左紅橋餐廳食下午茶見到煙肉芝士牛肉漢堡好似幾吸引。下午茶時段索價$58絕對唔係一個便宜既價錢，咁當然有返少少期望。上到檯，除了多左一塊生菜外，就只有牛肉、芝士、煙肉同包。包應該係用嘉頓嗰啲包，無特別。個包無另外既醬汁，無蕃茄或者酸瓜。牛肉唔算厚，無乜肉汁，亦無乜調味。薯角份量幾多，但有啲乾。其實紅橋一向質素唔錯，蛋包飯、意粉一向都好有水準，今次諗住試下食漢堡，點知就出事😭下次應該都係食返意粉或者蛋包飯會穩陣啲！