Texas Burger (已結業)

餐廳細細，靠近馬路，行過未必咁容易發現，不過估唔到鋪頭細細，裝修幾用心，營造到外國漢堡店感覺，重點係漢堡幾出色！精選M5澳洲和牛煎蛋漢堡 $128呢個漢堡都幾令我深刻。首先，個和牛漢堡扒真係好濃牛肉味同埋牛嘅油脂味十足，其次就係佢中間夾咗流心煎蛋，流心煎蛋真係幾驚喜！蛋加牛肉呢個配搭真係一流！好好味～另外佢仲夾咗好多層唔同配料，例如脆脆嘅薯餅增加口感、蔬菜平衡翻油膩感，火腿加重鹹香味同肉感～漢堡都幾大件，配料豐富好味，下次有機會encore。墨西哥芝士夾餅（軟皮）$88 2件 佢有軟皮同脆皮揀，軟皮似kebah 皮，擺得耐都唔會變腍，而且拎起身食都方便d，口感厚實d，脆皮就薄同容易碎，個人鍾意軟皮。另外有6種配料揀，今次揀咗手撕雞同牛柳條。兩樣味道都唔錯，手撕雞入味，撕得比較細所以唔會太孩，牛柳條都juicy唔錯。加埋芝士、牛油果醬都幾濃郁creamy，但略嫌比較濃味同膩。一個人食曬有d 飽滯。餐廳有提供埋濕紙巾抹手都幾貼心。我見隔離台嘅炸粗薯條好似都唔錯，餐廳細細坐得窄d，但係味道唔錯值得一試。