Lucky Smash (已結業)

今日又經過荃灣享和街，又想食漢堡，第一時間當然諗起 “行運漢堡 Lucky Smash”。由於12點一開店就落order，店員話油未滾，要等10分鐘先可以點薯條同熱狗😭😭😭但製作漢堡期間，店員話油溫夠，可以炸腸仔製作熱狗，店員好好咁問我要唔要加番個熱狗真係好細心。簡單易明嘅餐牌，一目了然開放式廚房，所有食物即叫即整，漢堡由牛肉球壓製而成，而麵飽先塗上牛油後再烘。而芝士亦有烘過，溶化在漢堡扒上，加上醬汁、新鮮蕃茄同生菜絲。行運熱狗，飽同樣有烘過，加上醬汁同生菜絲，材料十足1. 雙層芝士牛肉漢堡($78)，麵包烘過，飽邊少許脆口，牛油烘過溶晒落飽裡牛肉同樣juicy，加上溶溶地的芝士，再配生菜絲同蕃茄，一口都咬唔晒，超級豐富2. 芝士牛肉漢堡($58)，同雙層芝士牛肉漢堡一樣咁好味，只係少咗一塊漢堡同一片芝士，適合女士口味3. 行運熱狗($10 加配價)，腸仔炸過，外脆內熱，麵飽同樣烘過，飽邊微脆，加上生菜絲同醬汁，$10真係超級抵食整體來說，店員細心有禮，令我食到美味嘅熱狗。而所有食物，即叫即整，保持高質水準，到荃灣食漢堡首選之店。