Lucky Smash (已結業)

情人節晚市無堂食，於是外賣burger做晚餐。新年食完行運漢堡，希望有好運行!呢間漢堡店只做外賣，唔少人排隊。因為係開放式廚房，所以你可以望住點整。我地只能夠去公園開餐。我地叫左兩個餐，跟套餐包鮮炸薯條、汽水。雙層芝士牛肉漢堡同芝士牛肉漢堡既分別係前者多左塊漢堡扒。如果係食肉獸，建議食前者，飽足感會大好多。兩塊嘉頓麵包夾住漢堡扒、熱溶芝士，番茄、生菜，我仲食到啲洋蔥添。鮮炸薯條屬於幼薯條，份量十足。