Seafood Stand (已結業)

已經好耐冇去東大街，原來都新開左好幾間食店，包括呢度。以前去親東大街，通常會食王林記魚蛋粉（安利太多人啦），同埋低調高手雞蛋仔，而家有多個選擇了。印象中東大街好似冇漢堡包店，所以Seafood stand算幾吸睛，兼且佢唔只得普通漢堡包，有d口味都頗特別（下文揭盅）。店名叫seafood，海鮮當然都係主打，所以呢度都有供應近期大熱的龍蝦包。坊間有咁多漢堡包店，要突圍真係要花多點心思。呢度有一般牛肉漢堡之餘，仲有好多選擇：軟殻蟹、鱈魚、雞肉、羊肉，同埋我今次點的鰻魚漢堡（$83）。單睇賣相係咪已經好吸引呢？用上整條鰻魚，賣$83又唔算貴。鰻魚入口熱辣辣，醬汁香噴噴，好喇，究竟鰻魚+漢堡到底夾唔夾呢？答案係不比漢堡扒差，鍾意新嘢的絕對值得試下。之後就到大熱的龍蝦包「龍蝦司令卷」（$118），佢唔係用常見的熱狗包，而係一大磚麵包，質感輕軟，輕微烘過，再加大量沙律醬，都好食的，不過比例上同龍蝦肉差得遠，所以大部分時間都係齋咬麵包。龍蝦肉只得兩至三舊，略嫌少左d，但係佢唔係白灼，而係略為烤過，所以非常香口，肉質又爽，好好食。下次再去的話，會試Lobster + burger，有半隻龍蝦、漢堡包再