漢和韓國料理

好耐冇嚟呢一個漢和韓式料理同朋友一齊食放題，以前中學嘅時候好鍾意同朋友過嚟食，因為覺得咩都有得食，而家好耐都冇試過，所以今日同朋友特登過嚟試吓！價錢嚟講同以前都唔係差好遠都係大概$200多少少，我好記得佢有好多唔同嘅熟食，亦都有壽司刺身，當然唔少得佢嘅韓式烤肉
比較推介嘅，有佢嘅韓式魷魚鬚，調味上辣辣地非常好食，魷魚鬚亦都唔會好硬，食起上嚟口感都唔錯，我會覺得！另外佢嘅黑椒雞翼都非常好食，每一隻都非常大隻，而且黑椒味非常濃郁 同朋友都忍唔住食咗幾隻，最後飲埋佢啲人蔘雞湯 非常滿足