六喜見 (已結業)

長文慎入！結論講起，真係好好食，如果只可以嗌一樣嘢，一定要嗌漁湯蝦丸面，堅出色！如果呢間餐廳喺北上消費熱潮入邊捱唔住，我就冇得再食，所以寫近700字長文吹奏佢😆一場嚟到當然樣樣都要試😌送咗兩小杯菊花茶，樓面姐姐話係用嚟夾返個面，會提升味道，貼心嘅安排魚湯河粉震撼我！魚湯超級好飲，一定一定一定要嗌，唔嗌就走寶！呢個係好清嘅魚湯，唔係平時煲到杰身嘅嗰種，但魚味係超級濃，細細一啖已經充滿成個口，完全想像到有幾多條魚葬身喺呢啖湯入邊。最後一啖不留😂另外非常推介蝦丸，初初睇餐牌嘅時候都好奇，加一粒蝦丸要12蚊，究竟何方神聖，食完就明白了。大粒足料不特止，每粒蝦都鮮味彈牙，好食到我主動同隔籬枱睇緊Menu嘅食客講一定要嗌蝦丸，真係唔想大家錯過🤣呢碗雙湯雲吞麵都同樣出色，佢嘅自家湯底非常出色，好香蝦味同埋魚味，飲得出係雲吞麵湯底，但佢嘅鮮味係非常突出，呢碗又係一啖不剩飲哂。佢哋嘅雲吞亦都好出色，蝦丸做得咁好，同樣都係鮮蝦雲吞，四個字講晒就係皮薄餡靚想叫啲小食又好冇頭水，樓面姐姐推介草菇。朋友話，如果自己煮，處理草菇係好麻煩，又keep得唔耐，所以都唔多地方有。草菇新鮮夾埋蒜蓉醬汁、銀魚仔、芫荽，食吓