漁樂鍋 (已結業)

黃埔附近行街見到呢間漁樂鍋，見唔少人係入面食緊，實冇死啦，今期主打卜卜蜆同海龍皇鍋，今次同朋友試左個卜卜蜆先，下次再試埋個海龍皇鍋！坐落Ｄ卡位都好寬敞舒服，梳化位，比你慢慢打邊爐都唔怕坐到ＰＡＴＰＡＴ痛。個鍋一開，超香蒜蓉同牛油味，Ｄ蜆都好多又大粒飽滿，我同朋友夾極都重有，Ｄ蜆既精華入晒湯入面，我每粒蜆都用殼兜埋少少湯汁黎食，唔好晒。另外叫左幾碟餸，佢牛都有３款選擇，我地揀左最平既美國肥牛，但上黎都好靚，雪花紋睇相都見到好均勻，切得又厚，啖啖牛味，另外仲有金錢肚都係必食推介！另外菜籃有粟米生菜金菇等冇人會拒絕既菜，最岩成班人又諗唔到食咩既選擇。雲吞都好驚喜，雖然冇原粒蝦係入面，但都食到好香蝦味。