漁家海鮮大排檔 (已結業)

東大街有好多臥虎藏龍嘅餐廳，漁家就係其中一間。聽聞呢度嘅老闆係做海鮮嘅生意，所以佢哋啲海鮮都好新鮮。而且如果你有要求可以講比佢哋聽，等佢哋早啲預備啲海鮮俾你。今次我哋叫佢寫咗個10人套餐，每人平均$500左右。阿拉斯加蟹，幾$1000/隻。視乎大小而定價，老闆說最好不要在節日中訂，至少費1-2成。我哋將隻蟹就咁清蒸，非常鮮甜及啖啖肉。正！煙燻流心蛋，有煙燻過嘅味道，我喜歡食流心蛋，呢個蛋味濃郁。老火湯，木瓜雪耳瘦肉。飲得出係煲過幾個鐘嘅湯。我添了2碗。陳皮蒸鮑魚，老闆係用南非包。絕對不是大陸那些鮑魚。鹹魚煎肉餅，有驚喜！呢個肉餅煎得好香口而且鹹魚又不會蓋過成個味道。蒜蓉粉絲蒸開邊海中蝦，依個係我至愛嘅菜式之一。你睇吓啲蝦隻隻都有膏，好彈牙香口。香煎墨魚餅，呢個墨魚餅冇頭先嗰個鹹魚肉餅咁好。普普通通啦。呢條好似叫做珍珠龍躉。漁家炒飯，佢用咗蝦醬蝦米去炒。好有咸香味，好好味。