滾得囍宮廷火鍋小炒 (已改名) 查看

公司同事話北角有間好正既火鍋店，為食既我梗係去試下啦。店舖裝修風格係以宮廷式，入到去好似穿越左時空咁，連火鍋，碗碟，菜單都好古風啊🥰🥰🥰🥰火鍋湯底有好多種選擇，今次我就揀咗多爾袞羅宋牛骨鍋，湯底好足料，有蕃茄，牛肉等配料，而且味道酸酸地，好開胃😋😋😋中意食牛肉既我，忍唔住叫左個一品牛肉拼盤，有韓牛，和牛，本地牛同安格斯牛肉！！韓牛超重牛味👍🏻 肥瘦花紋好均匀，鮮香嫩滑😙和牛肉質軟嫩，肉與油花的味道分佈平均本地牛，非常有咬口，肉汁較多💦安格斯，無論刺身或火鍋安格斯都俾人有一種高尚嘅感覺油花肉身非常平均帶到牛肉嘅鮮甜味道🤗第二樣就係鬼馬油炸鬼，油炸鬼入面有蝦滑，面層仲有d蟹籽，食落去口感好特別，真係好鬼馬😝值得一試👍🏻第三樣就係手打黃金流心鮮蝦丸，蝦味重又爽口彈牙，入面仲要係流心，正😄打邊爐點少得可樂呢😍估唔到有甜品食，仲要係自家製既奶涷，奶涷又香又滑，仲有d朱古力粒，甜而不膩🤤