小曼谷泰國美食站

营业中

休息中

今日去到位於銅鑼灣嘅小曼谷泰國美食站。一去到餐廳嗰陣侍應已經好好服務，好快咁樣過嚟招呼我哋，服務態度一流。聽講佢地有live band，可惜今日冇咩運氣睇到。首先讚一讚，佢哋有好多唔同嘅菜式，令人眼花撩亂。我同我朋友傾咗一陣之後決定咗嗌三個菜。佢哋分別係青咖喱豬頸肉，豬肉碎生菜包，同埋馬拉盞炒通菜。係飲品方面我哋額外叫咗個泰式凍奶茶，同埋一杯青檸梳打。餐廳係用電子落單，喺手機掃QR code之後就可以係自己手機落單，好方便。係我哋落單之後唔使好耐佢哋就開始上菜。青咖喱豬頸肉好好食。份量好足夠，豬頸肉好多，咖喱味好重，我自己本身好鍾意食辣，所以對我來講唯一美中不足就係唔係好夠辣。豬肉碎生菜包呢就夠晒辣啦。生菜好新鮮好爽口，配埋啱啱炒好嘅豬肉碎，包埋一齊送落口，真係令到人齒頰留香。炒通菜調味好充足，但係我略嫌份量少一啲啲。凍奶茶同埋青檸梳打都係水準表現。食咗咁多嘢，飲返少少泰國特飲真係一切嘅完美結局。