樂天大喜屋 (已結業)

樂天大喜屋樂天大喜屋之前都聽過朋友講過話呢間食物幾好食，今日得閒冇事做於是就嚟咗樂天大喜屋試食一下，睇下係咪朋友所講咁好食！嚟到樂天大喜屋，坐落感覺環境都幾好唔係好逼夾，由於我本人唔係好喜歡食刺身生冷嘅食物，於是我只係選擇熟食既食物，今次我叫咗一份羊架、再試吓佢哋新出嘅黑糖沖繩牛仔肉、豉椒炒蜆、芝麻雞翼......我個人覺得牛仔肉幾好食，芝麻雞翼皮脆肉嫩，炸吉列蠔好鬆脆，蠔身都算肥美！羊架就有待改善，豉椒炒蜆都唔算太好食！樂天大喜屋嘅飲品選擇都算多，總有一款合你心意！仲有自家製嘅梅酒同酸梅湯味道都唔錯！食飽飲飽後仲有多款水果、甜品任君選擇！總體黎講二佰幾蚊有咁既食物水準，都係唔錯既選擇！相比我之前食過既放題，我個人會再揀樂天大喜屋！