影片
更多
2018-07-02
1606 浏览
預訂咗八點半食兩個鐘唔使等位。八個人用一個爐，開頭嗰陣時覺得好煩，因為龍蝦要分開兩次蒸，每次蒸四隻，大家要分開兩次食。每份蒸海鮮都有d蔬菜拌住俾你哋食。開始嘅時候每人一盅蟲草花燉湯，鮮甜好飲。蒜蓉開邊蒸龍蝦，好似蒸咗8-10分鐘，龍蝦唔韌，有鮮味，係蒸兩次麻煩啲嗻!!第二味係鮑魚，有專人喺度幫你拆開個殼，然後清除埋裡邊嗰啲汙糟嘢，分埋比我哋食，今次選用果皮蒸，鮑魚啱啱熟，有果皮味，新鮮，蘿蔔係預先煮熟，而家係再蒸返熱, 夠入味。 第三味係，蒜蓉蒸扇貝, 因為扇貝蒸嘅時間短，得幾分鐘，所以個節瓜唔腍，扇貝新鮮，有甜味。跟住係豉汁蒸大蚌，但係啲汁同蚌嘅味道唔係好夾，大蚌拎上嚟嗰陣時已經開咗邊，搽埋汁，要蒸四五分鐘。跟住落嚟係豉汁蒸多寶魚， 多寶魚一向都滑浖浖，今次都唔例外，但係南瓜就唔係好熟。海蝦用左古法豆醬蒸，啲味道一般，普通咗啲，番薯夠淋夠甜。海鮮最後一樣嘢就係清蒸蟹, 蒸咗15分鐘，連冬瓜都係由生蒸到熟, 我食嗰邊蟹鮮甜好味，但係有朋友食到隻蟹就話冇乜味道。真係最後一味啦，八寶蒸飯呀，自己選八款配料，我哋揀咗 牛脷，蓮藕，冬菇，木耳絲，脆肉瓜，潤腸，雞翼，蝦醬豬腩肉， 因為大家都食到
八個人用一個爐，開頭嗰陣時覺得好煩，因為龍蝦要分開兩次蒸，每次蒸四隻，大家要分開兩次食。
每份蒸海鮮都有d蔬菜拌住俾你哋食。
開始嘅時候每人一盅蟲草花燉湯，鮮甜好飲。
蒜蓉開邊蒸龍蝦，好似蒸咗8-10分鐘，龍蝦唔韌，有鮮味，係蒸兩次麻煩啲嗻!
!
第二味係鮑魚，有專人喺度幫你拆開個殼，然後清除埋裡邊嗰啲汙糟嘢，分埋比我哋食，今次選用果皮蒸，鮑魚啱啱熟，有果皮味，新鮮，蘿蔔係預先煮熟，而家係再蒸返熱, 夠入味。
第三味係，蒜蓉蒸扇貝, 因為扇貝蒸嘅時間短，得幾分鐘，所以個節瓜唔腍，扇貝新鮮，有甜味。
跟住係豉汁蒸大蚌，但係啲汁同蚌嘅味道唔係好夾，大蚌拎上嚟嗰陣時已經開咗邊，搽埋汁，要蒸四五分鐘。
跟住落嚟係豉汁蒸多寶魚， 多寶魚一向都滑浖浖，今次都唔例外，但係南瓜就唔係好熟。
海蝦用左古法豆醬蒸，啲味道一般，普通咗啲，番薯夠淋夠甜。
海鮮最後一樣嘢就係清蒸蟹, 蒸咗15分鐘，連冬瓜都係由生蒸到熟, 我食嗰邊蟹鮮甜好味，但係有朋友食到隻蟹就話冇乜味道。
真係最後一味啦，八寶蒸飯呀，自己選八款配料，我哋揀咗 牛脷，蓮藕，冬菇，木耳絲，脆肉瓜，潤腸，雞翼，蝦醬豬腩肉， 因為大家都食到飽晒，食唔晒d飯，所以朋友打包咗兩盒攞走，櫃檯有大量吉飯盒，預咗俾人攞去拎走d飯，基本上差不多台台都有人打包攞走。
紅糟蒸魷魚
34 浏览
0 赞好
0 留言
张贴
