塚田農場 (已結業)

今日屋企冇飯開，所以放工就食埋飯先返屋企，有啲掛住呢度個甜品，所以就入去放低啲錢。海老天婦羅壽司卷 ($128) : 炸蝦卷熱辣辣，非常新鮮脆口。😋雙拼年糕薄餅 ($88) : 雙拼呢個款式真係唔錯，可以品嘗到雞肉同明太子，一次過滿足晒兩個口味 😋 將年糕整成薄餅相信唔係好多地方有得食，口感煙韌又脆口。抹茶餡蜜芭菲 ($68) : 呢個甜品每一次嚟都會叫，除咗有抹茶雪糕外，重有蕨餅、白玉、茶凍等等相當豐富，如果想抹茶味再濃啲，旁邊仲有抹茶醬供顧客自行添加。離開嗰陣時勁多人排隊，好彩唔係撞正晚飯時間，如果唔係就等死我。😌