滿屋日本料理 (大鴻輝(荃灣)中心) (已結業)

日式放題, 全香港都有好多。之前有朋友介紹荃灣大鴻輝的滿屋, 我地就趁2人限聚令開始之前一日去試--果然唔錯, 可以覆桌。講起放題, 主角一定係刺身。呢到刺身好新鮮, 色澤光采, 手機食先個陣已經流晒口水。一食最愛魚生, 魚油溢口, 厚切確保咬口, 好食! 二食象拔蚌, 帶子, 象拔蚌脆卜卜, 帶子大大粒, 二者點豉油食, 一流享受!餐廳仲有好多熟食可以即場選擇。最驚喜係竟然有葡撻呢個平時放題唔多見既選擇, 但見數量唔多, 手快有手慢冇啦~另外仲有炸物, 不得不提榴槤波波。新鮮熱辣不特止, 食落仲有流心效果, 一咬開榴槤味大爆發, 滿足視覺, 嗅覺, 味覺既三重享受。飲品都好多元化, 一般汽水啤酒唔使講, 竟然仲有維他奶同市面唔多見既汽水。我擇左隻mountain dew 飲, 哈哈, 冇伏, 同能量飲品差唔多味。值得一提上菜速度好快, 收碟亦都一樣。基本上係確保你台面有空位可以隨時放新食物, 非常抵讚。最後當然唔小得甜品。除左出面有水果可以拎仲可以係Hangandaze, Movenpick 同Dreyers 三款雪糕任選一款。