滿地餐廳 (已結業)

朋友推介位於灣仔天樂里嘅 Mundi 餐廳， 唔單止高質仲要好抵食， 今日就嚟咗試試。 餐廳環境唔單止溫馨有heart， 而且仲十分整潔乾淨， 絕對放心光顧。 餐廳侍應亦都十分友善同貼心。我哋分別嗌咗兩份鐵板扒套餐， 套餐包括一個頭盤一份主菜， 飯或者小食同飲品。 頭盤方面我哋叫咗一個是日煮藍青口同黑松茸鮮菌沙律， 藍青口煮得十分入味， 而且一啲都無海鮮嘅腥味。 黑松茸鮮菌沙律， 黑松茸味濃厚而且沙律菜亦都好新鮮。牛扒方面， 我哋叫咗一個Mundi牛柳同一個美國安格斯封門柳， 兩個都五成熟，十分欣賞鐵板夠熱， 而且牛扒亦都煎得恰到好處，鮮嫩多汁， 兩份牛扒牛味都好重而且好淋身。因為唔算肚餓所以我哋叫咗一個黑松茸薯條同一個嵐味炸薯格， 冇特別叫飯或者意粉， 不過其實已經好大份亦都好夠食， 個人跟喜歡薯格。飲品方面叫咗佢嘅推介朱古力雪山， 其實係 cream再加朱古力， 成件事好creamy好特別。 另外叫咗一杯凍奶茶， 出乎意料佢嘅凍奶茶十分好飲，奶味好重。