影片
更多
2021-11-22
695 浏览
今日同同事講起咁耐無得旅行，想搵翻啲東南亞口味既餐廳，行行下就到左上環既越蘆。午餐餐牌其實都幾豐富，我同同事一人一個餐再加3個小食再加2個飲品，超級滿足！我叫左招牌越蘆牛肉粉，勁多料，又大碗，超正！入面有生牛肉、牛腩片、牛丸、牛百葉，啲牛煮到好入味，口感都好好。同事叫左個雞絲扎肉撈檬，口感清爽，一樣超級多料。奇妙在，佢配埋個薄荷青檸梳打，佢話食完之後完全為下午差曬電，因為真係超級夾，強烈推薦大家！係一個好開胃好清新既配搭！而我個滴漏咖啡口感柔滑，同我係越南飲既味道一樣，超級正！（越南咖啡唔係個個習慣，但係愛上就欲罷不能，試過你就知道）你以為就咁完結？嗰3個小食真係亮點！其中我最中意既係順寧胡椒豬肉串，入口首先係微微煙熏味道，然後豬肉既味出緊黎，夾雜住少少胡椒既想味係入面，一條豬肉串，3個層次既味道！第二個係越南蟹肉春卷，呢個無得Dislike, 香口野，炸到脆脆，春卷本身已經like, 仲要係蟹肉春卷，作為伴餐小食一流。最後就係東南亞盛行既烤豬頸肉，外面烤到焦香，入面鎖住肉汁，豬頸肉真係好難抗拒，所以明明3個小食係有點over，但係既然係回味東南亞，我明知食完要跑多兩個圈都要食埋個豬頸
午餐餐牌其實都幾豐富，我同同事一人一個餐再加3個小食再加2個飲品，超級滿足！
我叫左招牌越蘆牛肉粉，勁多料，又大碗，超正！入面有生牛肉、牛腩片、牛丸、牛百葉，啲牛煮到好入味，口感都好好。
同事叫左個雞絲扎肉撈檬，口感清爽，一樣超級多料。
奇妙在，佢配埋個薄荷青檸梳打，佢話食完之後完全為下午差曬電，因為真係超級夾，強烈推薦大家！係一個好開胃好清新既配搭！
而我個滴漏咖啡口感柔滑，同我係越南飲既味道一樣，超級正！（越南咖啡唔係個個習慣，但係愛上就欲罷不能，試過你就知道）
你以為就咁完結？嗰3個小食真係亮點！其中我最中意既係順寧胡椒豬肉串，入口首先係微微煙熏味道，然後豬肉既味出緊黎，夾雜住少少胡椒既想味係入面，一條豬肉串，3個層次既味道！
第二個係越南蟹肉春卷，呢個無得Dislike, 香口野，炸到脆脆，春卷本身已經like, 仲要係蟹肉春卷，作為伴餐小食一流。
最後就係東南亞盛行既烤豬頸肉，外面烤到焦香，入面鎖住肉汁，豬頸肉真係好難抗拒，所以明明3個小食係有點over，但係既然係回味東南亞，我明知食完要跑多兩個圈都要食埋個豬頸肉，而事實證明，好彩有叫到！最後全部清曬，滿足！
另外，值得一提既係上餐時間幾快，食咁多野都係50分鐘，同埋以質素黎講，真係性價比高既餐廳，想過下東南亞美食癮，值得黎試啊！
张贴
