LM Cafe (已結業)

今日放工唔係早又唔算夜，決定搵食之後先返屋企！行到去龍X冰室，原本已經想坐低，但係望望入面好似仲有嘢食噃，於是就嚟到呢間LM Cafe喇！價錢真係幾宜人，決定豪食叫個西冷扒加香草腸，再加雞翼！當然唔可以太多要求，要求要幾成熟、幾出色嘅烹調手法啦，不過都幾有驚喜，唔韌但又有啲咬口，幾好。再加上個汁都出色，係好令人懷念嘅港式扒餐！至於香草腸就不過不失啦。而蜜糖雞翼就比想像中無咁甜，可能我唔太喜歡甜到爆嘅雞翼，所以都幾合口味。最後想講下呢到真係好有港式味道，我叫咗個熱朱古力，原本都諗住係朱古力粉開架啦，不過一入口就有種好懷舊嘅味道，好似細個飲嘅唂咕！之前唔知唂咕係咩，依家有得查，就知原來係可可沖水，無奶精之類加工，呢個先係我哋印象中嘅朱古力味道嘛！總結而言，想懷念一下舊香港味道，可以嚟試一下！