卡洛芝士吐司專門店 (已結業)

KALA深明香港地好多人好似我咁，對芝士有無盡的渴求。整個芝士瀑布三文治，不但香口好食又飽肚，又有視覺效果放上網又吸like。下午三點去到鋪頭都有唔少人等緊。揀左個墨西哥總統，只要普通size。想食多啲芝士既話，其實可以叫個勁量。睇menu就話墨西哥總統有啲辣，但食落又唔覺喎。 麵包烘得金黃色，好靚仔👍🏻。食落卜卜脆得黎又唔會乾爭爭一啲水份都冇。 普通份量都有小小拉芝。好多芝士流晒落底 ，小心熱呀。 芝士好多，反而肉碎都其他配料比較小。如果肉碎多返啲，口感會更好😎等候時間：12分鐘