1
佢哋有每日嘅午餐餐牌，另外亦有冰室一定有嘅焗飯、炒公仔麵😎😎
需要多一點點鑊氣，就連小菜都有！
3
最唔簡單嘅係佢哋依度做埋清湯腩！
想食粉麵，叫碟炸魚皮又得，選擇真係超級多！
腐乳通菜
份量都好多，腐乳醬好濃郁，冇直接冧喺通菜上面，咁就可以因應自己嘅口味自己點腐乳。
依碟菜絕對係平靚正！
腩汁蘿蔔
又係10幾蚊就食到，仲要大大碗！我超鍾意食白蘿蔔，佢哋嘅白蘿蔔好出色，好多汁，而且唔係啲落咗糖既死甜味。推薦！
XO醬豬扒炒公仔麵
賣相已經超級靚仔啦！配料超多！每一啖嘅口感都非常豐富，又有芽菜，又有洋蔥。豬扒都有好多件，係炸豬扒，都啖啖肉㗎☺️☺️
朋友叫咗是日午餐：燒汁牛肉炒烏冬
炒烏冬嘅份量都好驚人，而且同樣係好靚，有椰菜、芽菜、甘筍，口感豐富，又有少少燒汁甜甜地嘅味，幾開胃！
順德煎焗魚腩
喺餐牌見到，實在係抵受唔住誘惑，叫咗個焗魚腩一齊share ！絕對係色香味俱全！一上枱，香氣撲鼻！魚腩好多，配埋啲炸蒜頭同埋香蔥，超惹味😁
除咗一般冰室有嘅飲品，佢哋仲有好受歡迎嘅一啲茶飲，好似百香果、蜜桃茶等等，照顧埋年輕一代嘅口味，抵讚！
午餐可以追加燉湯
今日係五指毛桃瘦肉湯，飲埋個燉湯，即刻成個人被滋潤，超幸福！
整體黎講，我地都好鍾意依間冰室
地理位置方便，地鐵站一出去已經係
食物選擇重要超級多，又經濟😁😁
