御滿屋日本料理

营业中

休息中

最鍾意就係同朋友去旺角行街,每次行完街我哋多數會幫襯一間日式放題,因為性價比高,食物質素好好,仲要任飲任食,所以每次都好滿足。御滿屋日本料理 日式放題,餐廳地方好闊落,望落去非常整潔衛生,畀人一種好乾淨好舒適嘅感覺。通常第一時間都會點咗刺身先,跟住就會到熟食區選擇少少食物,熟食區嘅食材都有十幾款,有炒麵,鳳爪,海哲,炸雞,沙律,青口。跟住就會到飲品櫃,呢度汽水都有十幾二十種,如果鍾意飲酒嘅朋友一定喜歡,全部都係任飲。刺身拼盤,賣相好吸引,有北寄貝,赤蝦,赤貝,八爪魚,希靈魚,油甘魚,三文魚。我個人就最鍾意食赤蝦,新鮮大隻,蝦頭有蝦膏,味道香甜肉質爽口。另外三文魚都非常新鮮加上有少少魚油脂肪,味道特別甘香，油脂比例非常平均另外個人推介就係海膽手捲,手捲上面嘅海膽分量好多,入口鮮味十足有陣陣嘅回甘香味,一食就知非常新鮮。熟食方面我就鍾意食燒牛舌,燒鰻魚,呢度個牛舌非常入味,加上燒到邊位有少少焦香,咬落去牛肉味香濃，上面放有少少黑椒，令味道更加突出，燒鰻魚燒到啱啱好肉質仲係好嫩滑,加上鰻魚汁令到鮮味更突出。最後食埋個雪糕真係大滿足,呢度嘅食材真係保證新鮮,非常值得推介