韓珍 (帝國中心) (已結業)

同男朋友去拍拖行尖咀海旁，行完就向附近食啲野，因男朋友話想食韓燒，所以就去左食呢間韓珍😂餐廳空間好大，坐位與坐位間分格距離算遠，比較衛生👍🏻我地叫左一個2人套餐，再加埋一個牛胸肉大醬湯，應該飽到上心口😂二人餐會包埋一系列餐前小食，有煎蛋、泡菜、沙律、蘿白等等😍煎蛋好好味，入面有青椒同埋紅椒，又香蛋味，一流👍🏻二人餐燒肉上菜啦，好豐富。鮑魚好新鮮，加上佢地醃製過既醬汁，鮑魚甜甜地，好好味👍🏻雪花牛肉都好好味，入口即溶既感覺😍牛舌都好味，記得吾好燒咁熟，否則牛舌會好難咬。重有隻大蝦，鮮味，蝦肉無‘’梅‘’，燒好後，肉同殼基本上都鍟離左，好易食👍🏻一路燒肉，一路食住大醬湯，都係一個好選擇，因為只食燒肉，比較乾。大醬湯味道比較濃，入面好多豆腐同牛肉粒，連飯一齊食無得輸😍最後，我食到好口喝，所以叫左杯奇異果汁飲，增加維他命C，增強抵抗力💪🏻💪🏻兩個人食，幾百蚊，重要食到好飽，味道又吾差，幾抵食👍🏻 如果大家行開尖沙咀，都可以去試下☺️