大滾友火鍋

营业中

休息中

呢兩日天氣趁涼涼地，決定去打邊爐，朋友想試下新野，於是搵到呢間好多好評既大滾友，一去到門口裝修好特別，好有古裝feel，好有感覺。好快就安排到坐位，發現入面裝修同用既野都好細緻，感受到老闆既細心。湯底有好多選擇，價錢都好適宜，揀左胡椒豬肚雞湯喎，啲雞好滑，仲好入味，一開始要盡快食晒啲雞，怕煮太耐啲肉會老，由於份量好多，淨係食啲雞都覺得好抵。食左一輪雞，打邊爐點可以少得牛肉，一食一定要食最靚既手切安格斯牛肉，啲牛肉好香，必食。