極尚大瀛喜日本料理 (已結業)

搬完屋終於忙完可以周圍食嘞，今日就去咗極尚大瀛喜食放題而家豬醇大個啲好多嘢都可以比佢食，好開心呀食物種類好豐富，樣樣都想試，食放題最開心就係乜都可以試少少鵝肝北海道帶子，睇名就好吸引，味道都唔錯，罪惡嘅鵝肝加味道清淡嘅帶子，口感定味道都出奇地夾刺身揀咗劍魚腩、油甘魚、三文魚、帶子、甜蝦、虎蝦上菜仲要有乾冰，好靚呀!!刺身都好新鮮，放題嚟講都幾滿意壽司又係好多款式，連左口魚都有呀!!第一次食放題有左口魚，我呢個左口魚控超開心的說極品和牛、黑松露三文魚、柚子左口魚、醬燒皇帝蟹棒、極尚穴子芥辣蟹籽赤蝦、三文魚腩、海膽黃金蝦，每款食一件都飽嘞平均水準不俗，特別鍾意個極品和牛，左口魚雖然冇平時食嘅咁肥美，不過有得食已經好滿足串燒揀咗最鍾意嘅鹽燒牛舌同鹽燒海蝦，蝦肉爽口彈牙，牛舌爽爽哋唔會韌天婦羅有虎蝦、皇帝蟹棒、流心一口芝士丸卡邦尼三文魚小酥盒，呢個熱辣辣好好味呀!!酥皮夠鬆脆其實仲有好多嘢食、日式鮮蟹肉粥、雪花牛肉鍋...不過已經食唔落嘞留返個位食埋乳酪，太滿足了