L.D.K. by Ufufu Café (新城市廣場) (已結業)

難得有幾日假期，冇去旅行都要係香港周圍去下，是日Kiwi同友人係沙田行完街大約6點幾就嚟咗呢間等位，咁早嚟都要等咗10幾分鐘先入得，睇嚟呢間應該唔差。黑松露忌廉可樂餅。可樂餅表面好酥脆，而入面啲泥狀嘅薯蓉入口即溶，唔點黑松露醬就咁食都好好食。明太子烏賊忌廉意粉。明太子有啲啲辣，配上creamy嘅忌廉汁同軟硬適中嘅意粉yummy。日式肉汁芝士蛋飯。有扯唔斷嘅芝士!!肉汁+蛋+蕃茄汁飯味道好夾。宇治抹茶蕨餅芭菲。最後當然唔少得嘅甜品時間，食每一啖都有唔同味道，簡直係食唔停口。呢間小食，主食同甜品都冇得輸，推薦!