漫花燈火OMG (已結業)

🟠 油封法國鴨腿伴自家製芝士薯蓉及蜜糖紅菜頭（$248）呢個鴨腿肉質嫩，切既時候肉好似一絲絲咁，配埋個醬汁同蜜糖紅菜頭食，味道剛剛好非常夾，好味😋芝士薯蓉既口感都好滑，個人覺得加埋個醬汁都好夾，如果個汁可以多d就好😂🟡 雙式芝士脆片經典千層麵（$168）經典邪惡既千層麵，芝士既濃郁加上豬肉同牛肉碎，每一啖都非常好味😽🟢阿爾卑斯雪山小屋（$148）呢個甜品好靚😍真係有雪屋感，個甜品伯爵茶蛋糕，有西瓜粒係入面，一粒士多啤梨係蛋糕頂，再配埋水果汁。個蛋糕口感不錯，不過伯爵茶味就唔算好出好濃，水果夠甜同新鮮。🔵 OMG 5C其實係5杯細細杯既鮮榨果汁，分別係車厘茄及山楂、香橙及白桃、菠蘿及荔枝、青提子及青蘋果、火龍果及紅桑子。果汁既感覺比較澀身，感覺似沙冰。可以試到5種味道之餘，影相仲幾靚tim🤓🤓環境方面：裝修非常少女心，女仔去到一定好開心，每個位置都好打卡位，坐位亦都幾舒服。不得不提，呢間cafe既食物質素好好，而且份量都幾大，絕對可以食得飽。