大瀛喜日本料理 (已結業)

疫情一放寬，即刻約朋友去旺角行街睇戲食飯，經常一大班朋友都會去旺角大瀛喜日本料理，無論食物質素同埋價錢都係非常之吸引，一個價錢任飲任食，而且食物質素仲好好。入到去坐低用QR code自己嗌嘢食，任飲任食，仲要係好多食物選擇，每樣食物嘢都好新鮮。飲品選擇非常多，自己去飲品櫃選擇起碼有30種，一大班朋友最鍾意飲啤酒，連啤酒都係任飲，真係好抵，性價比好高。一開波通常我哋會去自助區拎啲冷盤食下，冷盤都有好多種食物，我最鍾意就係食蝦，又新鮮又大隻而且蝦肉爽口彈牙，正。青口都係我嘅最愛，肉身鮮甜肥美。嚟大瀛喜梗係要食佢啲刺身，大赤蝦鮮甜肥美，蝦肉爽口，北寄貝都係好新鮮，鮮味十足。三文魚切得夠晒厚，口感一流，加上有少少魚有脂肪味道更加鮮甜。吞拿魚色澤非常新鮮，魚味香甜。淨係刺身都有好多選擇，全部都係好新鮮，好好味。海膽手卷細細件但係好多海膽，而且海膽又新鮮味道又香。熟食方面最欣賞佢個燒羊架，羊肉一啲都唔蘇，而且燒到好香，最緊要保留到個肉汁，入口羊肉非常嫩滑。鹽燒蝦，蝦肉非常入味，而且蝦肉爽口彈牙，味道啱啱好。燒牛舌都係我嘅至愛。我對呢間餐廳真係好滿意，價錢公道一食物質素非常高。