一杯屋 (已結業)

今日出咗糧，一於食餐好報答自己，lunch都要食得好d,公司附近有間食日本野，一於就去試試啦。一杯屋牛吞精選便當，有4格不同嘅便當，啱晒想樣樣試吓嘅我，分別有主打嘅厚燒牛舌、溫泉蛋牛肉飯、刺身拼盤同炸池魚，首先講吓個厚燒牛舌，燒到啱啱好，唔過熟，仲好juice保存肉汁，刺身都好新鮮，完全唔會有腥味，海膽鮮甜，池魚炸得好鬆脆，完全唔油膩，而溫泉蛋牛肉飯味道都相當好，呢幾樣都啱晒我胃口。炭燒喜之次定食，師傅係即叫即燒，上枱時熱辣辣，燒到魚皮脆卜卜，魚嘅油香出晒黎，魚肉好嫩滑，冇腥味，其實條魚size都唔細，非常抵食。叫set lunch每人都有蒸蛋、枝豆同蜆海帶湯跟餐上，蒸蛋好滑，入面仲有蟹柳、冬菇同雞肉，好好味，而蜆湯都非常鮮甜，枝豆都幾特別，個醬汁甜甜辣辣，非常醒胃。