燒鬼 (已結業)

Happy Friday又適逢牛魔王Daddy生日，決定帶佢去食個鹿兒島和牛慶祝下! 驚放題太飽又想食得精緻d，就點了$198嘅鹿兒島和牛之午市盛宴，入面既和牛配上唔同食法，一次過滿足曬牛魔王Daddy既味蕾!平日我最鐘意食大根湯，今次既鹿兒島和牛煮大根相當入味，和牛既份量亦好充足!和牛壽司口感軟嫩又唔會好油膩。三款燒肉- 鹿兒島和牛小排、和牛三角、和牛薄片各有特色，油脂分佈平均至細密，每一款都帶比人唔同既口感! 個人覺得和牛薄片最好食，肉質最嫩😋熟食方面，魔鬼牛丸入面原來包左芝士，好驚喜!最後用鹿兒島和牛溫泉玉子丼做結尾相當滿足!