吉列牛忌廉烏冬專門店 (百樂中心) (已結業)

聽朋友講過好多次去食忌廉咖哩烏冬，今次終於到我有機會食啦，因為咁岩有朋友都話想試好耐。去到百樂中心上２２樓，一推門就見到無敵馬場景觀，室內裝潢都有型格，走黑同木色路線。坐低二話不說就打開ｍｅｎｕ，我點了一個忌廉咖哩牛肉烏冬，朋友就點了一個頂級牛里脊套餐，十分富貴。無幾耐就上菜，首先來了忌廉咖哩牛肉烏冬，望上去，有點古怪，因為全部都係cream，但撈均左之後，居然同咖哩好夾，有咖哩的香辣味道，但又有忌廉的口感幼滑，原來都幾好食。跟住就到今日主角 - 頂級牛里脊套餐，望落去好豐富，除左又大大塊牛里脊，仲有芝士大菇，用刀切開，再放上石燒板上燒熟，真係一次過滿足3個願望，就係有得睇、有得玩同有得食。