唐 (已結業)

「唐」已新開張一段時間，而且食評都唔錯，今次一家5人行黎試一下。被安排坐到一張U形梳化，都幾舒服。甫坐底先點了2杯 Rosee 生啤仲有一 Jar 水蜜桃茶解解渴，第一次飲 Rosee 生啤，粉紅色好靚，入口帶有 berry 的微酸，兔女平時唔飲啤酒都覺得易入口，呢款應該係為女士而設。水蜜桃茶都唔錯，唔會太淡，仲有D果肉喺入面，侍應亦都主動幾次幫我地酙茶，抵讚！食物方面，我地先叫左個魚餅柚子沙律，不過上枱既係蝦餅，唔通我兔女睇錯？！蝦(魚)餅味道雖唔及泰菜館，算是中規中矩。兔女反而欣賞柚子沙律，因為不止用一種柚子撈埋，而係有紅柚、金柚、橙拼湊出黎，好有誠意！吃完沙律，侍應即刻幫我地換上熱辣辣既碟，迎接我地既主食，服務很貼心。新奧爾良海鮮飯（二人份）- 呢個飯一上枱，大家都望住果隻大虎蝦！蝦肉好爽而且蝦頭仲有蝦膏，好味！飯煮得粒粒分明，青口亦好鮮甜，鍾意配上秋葵一齊食，感覺健康D！菠蘿火腿薄餅 - 餅底夠薄夠脆，芝士味唔太突出，菠蘿切成好細粒，唔留意既都唔記得左有菠蘿1 KG T-Bone - 要左7成熟，上枱一陣肉香飄埋黎，邊位燒到脆口，近骨部位仲有一層薄薄油脂，入口溶化，中間的肉呈粉