三色海膽盛丼（$358）點先夠爆？當然要有就快滿瀉嘅海膽山，呢款期間限定嘅時令海膽丼飯，有靚貨返先有得食嫁！粒粒分明嘅醋飯上面舖滿海膽，赤海膽入口嫩滑水分豐富，馬糞海膽味道濃厚鮮甜，隻鵪鶉蛋令飯入口更滑，啖啖超滿足！
三段重大極上丼（$398）另一款丼飯都完全唔遜色，擺滿拖羅、海膽同蟹肉，淺粉紅色嘅肥美拖羅入口即化，配埋鮮甜海膽同鹹香蟹肉，送飯真係一啖接一啖停唔到口！
波子汽水（$28）有時去日本餐廳見到有波子汽水都會忍唔到叫番支，今次叫咗士多啤梨味，味甜又勁多氣，飲落幾爽，如果留返比我㩒粒波子落去就好啦🤣
Guava Juice（$25）仲見到有番石榴果汁，入口有少少果肉，香甜好味又抗氧化！另外生啤仲有買一送一，附近返工嘅人有福啦😍
2
