Mad for Garlic (已結業)

同男朋友溜冰之後好肚餓，見到呢間個樣唔錯，而且一去到就有位，所以去試試！呢到環境都唔錯，因為坐出面所以燈光頗足夠，不過個位有少少窄，服務員態度都ok。蒜香帶子香草忌廉菠菜麵 ($158)個賣相幾吸引，啲蒜片唔算好多，份量啱啱好，做成個麵既點綴。個醬汁幾creamy，唔會太膩，同啲蒜片幾配。麵質煮得啱啱好，唔會好淋，口感不錯。啲帶子都可以既，煎得啱啱好，不過稱唔上新鮮，始終唔係重點黎既... 8'' garlic snowing pizza ($128)賣相幾特別，而且服務員會問你要唔要多啲芝士，然後會現場幫你落，幾特別。份量都好多，不過啲材料唔算多，有蝦、菠蘿同炸蒜片。食落其實有啲奇怪，可能太多蒜片，攪到弄巧成拙，整到個pizza個味道唔啱我。成個pizza好膩，所以要多人食，每人試啲就好。整個晚餐份量都好足夠，而且價錢都相對划算。我覺得呢間餐廳都幾啱朋友聚會去，食物既賣相吸引嘛，可以影下相留念。