Amusement Eatery (已結業)

自從上個月食完MONO之後，我成日都心掛掛想再食南美菜，老公上網竟然搵到長沙灣Amusement Eatery有得食！主廚由細到大都喺委內瑞拉長大及生活，所以非常熟悉當地菜式口味，也因此將當地風味帶到香港。餐廳走型格路線，樓底極高，仲有搶眼嘅霓虹燈裝飾，到處都有打卡位，好有格調！呢晚我哋仲被安排坐喺梳化位，好chill！南美蕃茄芝士沙律($98)南美芝士兩邊煎香，簡單配搭黑醋汁及新鮮嘅番茄仔，清新惹味！炸蟹肉芝士炸雲吞($88)雲吞炸得薄脆，入面係飽滿嘅蟹肉芝士餡料！當中芝士用上南美芝士，口感比較實淨，好特別！醬汁加入當地香料，辣辣地，好滋味！青口&豬皮($88)青口好新鮮，入口鮮甜，鮮味十足，加埋新鮮番茄蓉，酸甜有致。香脆煙靭嘅炸豬皮亦增添口感，不過青口份量就比較少，呢個價錢略嫌進取。加勒比烤雞($208)強烈推薦！烤雞肉質嫩滑，用咗唔同特色香料去醃製，非常入味，蘸上秘製辣醬，味道更加豐富。底下墊住同顏色嘅蔬菜，色彩繽紛，令人食指大動，同時吸收烤雞嘅精華，好味！芝士和牛肉醬闊條麵($188)和牛肉醬落得慷慨，但闊條麵略嫌比較淋身。手搖柚子水果茶($58)竟然用酒杯盛載，玩味十足！水果