阿杏飯團 (富時中心) (裝修中)

今次出開旺角，見到粉色系店舖記起早前係尖沙咀店食過飯團都唔錯買返份回家同老公慢慢嘆先喜歡佢哋既飯團即叫即製，而且餡料爆滿的，熱辣辣食就最好。飯團唔係只係白糯米，仲有健康的紫米，很煙韌香糯。網紅蟹肉飯團絕對不是打邊爐用的蟹柳，一絲絲蟹肉鮮甜，仲有生菜肉鬆，蘿蔔乾，油條等等，簡單又美味。名古屋鰻魚飯團用上名古屋鰻魚，油脂甘香，醬汁香甜，真係肥美。啖啖都有鰻魚，加上芝士和火腿等配料，非常惹味。手作紅豆奶茶紅豆量算多，每口紅豆蓉，都有食到紅豆，綿密香甜，跟奶茶很夾，更能突出茶香。燒仙草茉莉喜歡清心的茉莉花香，仙草幼滑，仲有口感，淡淡清幽花茶味，好令人為之一振。