一起食堂 (威利廣場)

营业中

休息中

今日去左官塘拎完身份証之後係附近揾嘢菜，見到呢間台灣店有午市優惠，好想食牛肉麵就入去坐，店內貼滿台灣以前電影海報，又播住歌，回憶番哂黎。紅燒三寶牛肉麵入面有牛腱，牛丸，牛肋條，但牛肋條賣哂，店員問我轉唔轉其他，但我好想食牛肉麵就話唔介意無牛肋條。牛腱炆得好入味，口感軟林，牛丸爽口彈牙。牛肉麵湯底濃郁香甜。中華沙律，番薯，厥餅跟餐送嘅小食，番薯香甜軟糯，厥餅煙韌彈牙。鹵雞翼雞翼嫩滑，鹵水味道香濃，好入味。一口炸芝士芝士炸到外脆內軟，香濃芝士味爆出黎。愛玉鳳梨綠茶愛玉口感Q彈，滑嘟嘟，鳳梨酸酸甜甜，好味。