上上下扶手電梯，比呢間光亮嘅餐廳吸引，而且裝潢好靚，於是入咗去
2
平日夜晚唔洗等位，侍應好快安排我地入座。我地嘅座位係一張矮檯，適合食甜品飲下咖啡，但個人覺得食飯嘅話矮咗啲。
而且檯與凳之間空間攞到好盡😂，肥少少都好難坐入去，不過座位其實都坐得舒服。
打開menu，有好多款定食，同行朋友叫咗壽起喜燒定食
熱騰騰壽喜燒鍋好香，試咗朋友一啖，味道濃郁而且唔會偏甜。
因為未食過茶漬飯又鍾意食刺身，於是叫咗一個有三文魚刺身嘅茶漬飯。
不得不讚嘅地方係，定食嘅擺碟真係好靚！每一樣碗具都好精緻！擺蔥嘅紅葉碟真係好靚！餐廳燈光好，影出黎嘅食物好有光澤，打卡一流
首先每份定食都會有兩碟仔小菜，小菜偏鹹，唔餸飯好難就咁食，而且都麻麻地。呢個位扣分。
之後就到火炙三文魚同刺身，兩個都油脂甘香，不過就係普通嘅魚生飯，冇大驚喜。
不過欣賞魚子好大粒！
1
至於茶漬飯，餐廳有一張指示牌教你享用。
我個人唔想倒啲茶落去刺身到，所以我另外用碗舀起啲飯，再倒茶。
茶溫啱啱好，唔熱唔凍。帶有少少鹹未及茶香，不過我個人麻麻地茶味配飯，所以覺得一般。
另外注意係豉油偏鹹，唔似一般魚生豉油比較淡，唔好落咁多去飯到！
1
朋友嘅鰻魚茶漬飯
朋友嘅雜莓橙茶
呢杯牛奶雪糕抹茶幾好飲，不過唔飲得甜嘅朋友可以叫少甜，底部飲到糖漿都幾甜下，但好彩唔算蓋咗抹茶嘅味道。
至於雪糕就真係好甜，建議抹茶走甜，咁就可以用抹茶中和返個甜度。
不過啲冰體積太大，搞到好難去舀雪糕食，要另外舀出黎先食到雪糕。
飲品+食物+10%服務費，人均$160左右
略貴，不過旺區都係咁上下。
環境食物賣相靚，比較適合女性。不過食物冇大驚喜，甜品應該比較吸引。
