貓啡 (已搬遷) 新店位置

我同朋友都好鍾意貓，今日終於去貓cafe見識下，可以一邊玩唔同的貓，又可以比佢地陪住食野，真係好幸福呀。貓貓好友善又好活潑，每隻都唔同既性格，見到佢地，煩惱都消失晒。蜜蜂烤雞翼甜甜地雞皮脆卜卜，肉汁好多，雞肉又嫩滑。雞翼係無得輸架。忌廉蟹肉餅蟹肉打到好cream. 淡淡蟹味，外皮脆卜卜好鬆化，唔會好漏。招牌蒜香蟹肉明太子闊條麵果然係招牌菜式，好多蟹肉喺入面，汁好濃好creamy.好鮮味。碟上面仲好有心思整左兩個貓腳印。生椰抹茶Latte香香椰子咪，香滑又唔會好甜。白桃蘋果梳打啖啖嘅白桃味，解渴又唔會太甜。旺角有好多寵物cafe.,但呢間餐廳大部份都係收養回來的流浪貓，餐廳會幫助流浪貓，支持領養代替購買，有意領養可直接向餐廳查詢。另外於餐廳消費，餐廳每月都會捐錢比慈善機構，幫助更多流浪動物。你當然可以過來出返一分力啦。