鮨白鳥 (已結業)

棉登徑一向多日本名店，呢日就去咗棉登徑新開張幾個月已經大獲好評嘅鮨白鳥食lunch。鮨白鳥由九州師傅原田誠先生主理，因為我唔係食omakase，所以就未獲安排坐喺吧枱，但坐喺大枱位置就比較寬敞，坐得舒適，私隱度亦較高。 Lunch Set選擇頗多，包括：刺身定食丶壽司定食及海鮮丼。我嘅目標非常明確，就係鮨白鳥名物－－和王海膽丼 ($368) 啦！ 和王海膽丼包沙律丶茶碗蒸丶和王海膽丼丶味噌汁丶甜品，豐富又滿足！ 沙律用上新鮮沙律菜，加上酸甜開胃嘅醋汁，非常醒胃！入面仲有魚刺身，有少少似秘魯ceviche。茶碗蒸口感滑溜溜，帶有海鮮高湯嘅鮮甜，入面亦加咗幾粒小帶子，鮮度更為提升！ 麵豉湯：和王海膽丼真係好正， 「和王」即係「和牛界王者」，係熊本縣產嘅極上牛種，必須經過特別飼養28個月以上，而油花標準等級達到6以上並獲得A5或A4級別，所以品質非常高！這碗和王海膽丼鋪滿「和王」和牛，和牛油花分佈平均，火炙後逼出油脂香，再放上色澤金黃嘅海膽，夾埋一齊食簡直係幸福嘅感覺。飯方面亦一絲不苟，選用日本九州產嘅日光米，米飯有黏性帶咬口，口感更勝其他日本米。 一頓完美嘅午餐點少得甜品作結？估唔到今次有